ААТ “Івацэвічдрэў” – адно з найбуйнейшых беларускіх дрэваапрацоўчых прадпрыемстваў, якое спецыялізуецца на вытворчасці драўняна-стружкавых пліт і мэблі. Градаўтваральнаму прадпрыемству больш за 100 гадоў. Працоўны калектыў налічвае больш за 850 супрацоўнікаў. Багаты вытворчы вопыт, памножаны на сучасныя тэхналогіі і кваліфікаваныя кадры, дазваляюць ААТ “Івацэвічдрэў” захоўваць статус флагмана дрэваапрацоўчай прамысловасці Беларусі і робяць прадукцыю кампаніі запатрабаванай і канкурэнтаздольнай. З 2021 года ААТ «Івацэвічдрэў» з’яўляецца кіруючай кампаніяй дрэваапрацоўчага холдынгу «BYSPAN», які аб’ядноўвае каля 10 найбуйнейшых вытворцаў шырокай лінейкі прадукцыі з драўніны.
Семінар пад кіраўніцтвам Кіраўніка спраў Прэзідэнта Рэспублікі Беларусь Юрыя Назарава прайшоў 4 жніўня на базе вядучага дрэваапрацоўчага прадпрыемства ААТ “Івацэвічдрэў” (Брэсцкая вобласць). Удзел у семінары прынялі кіраўнікі ўсіх арганізацый, якія ўваходзяць у сістэму Кіраўніцтва справамі Прэзідэнта Рэспублікі Беларусь, а таксама шэраг кіраўнікоў і спецыялістаў кадравых службаў найбольш буйных арганізацый. На парадку дня семінара – сустрэча з генеральным дырэктарам ААТ “Івацэвічдрэў” Аляксандрам Ільніцкім і профільнымі спецыялістамі прадпрыемства, вывучэнне практычнага вопыту арганізацыі работы па кіраванні вытворчымі працэсамі і персаналам у ААТ “Івацэвічдрэў”, ключавыя працэсы арганізацыі работы з персаналам, вопыт укаранення комплекснай аўтаматызаванай інфармацыйнай сістэмы ( ERP) у адміністрацыйныя і вытворчыя працэсы.
У ходзе наведвання вытворчых цэхаў па выпуску драўняна-стружкавых пліт і мэблі вывучаны інструменты ашчаднай вытворчасці (LEAN) ва ўдасканаленні бізнес-працэсаў прадпрыемства, метады матывацыі персаналу для дасягнення высокіх вынікаў у працы, а таксама магчымага далейшага ўкаранення з улікам спецыфікі на сваіх вытворчасцях.
