18.02.2026
Сёння, у актавай зале прадпрыемства прайшла штогадовая справаздачная канферэнцыя прафсаюзнага камітэта Дома друку, на якой падведзены вынікі працы за 2025 год і пазначаныя планы на будучыню. Для ўдзелу ў канферэнцыі былі абраныя дэлегаты ад усіх структурных падраздзяленняў прадпрыемства. На канферэнцыі прысутнічалі запрошаныя – загадчык арганізацыйнага аддзела Беларускага прафесійнага саюза работнікаў культуры, інфармацыі, спорту і турызму Алена Іванаўна Гук.
На разгляд канферэнцыі ўносіўся наступны парадак дня:
1. Аб справаздачы прафсаюзнага камітэта першаснай прафсаюзнай арганізацыі дзяржаўнага прадпрыемства “Выдавецтва “Беларускі Дом друку” за 2025 год.
2. Аб справаздачы рэвізійнай камісіі першаснай прафсаюзнай арганізацыі дзяржаўнага прадпрыемства “Выдавецтва “Беларускі Дом друку” за 2025 год.
3. Аб зацвярджэнні гадавога каштарысу даходаў і расходаў першаснай прафсаюзнай арганізацыі дзяржаўнага прадпрыемства “Выдавецтва “Беларускі Дом друку” на 2026 год.
4. Пра змены ў складзе прафсаюзнага камітэта першаснай прафсаюзнай арганізацыі дзяржаўнага прадпрыемства “Выдавецтва” Беларускі Дом друку”.
5. Рознае.
Адкрыла канферэнцыю старшыня прафсаюзнага камітэта, Таццяна Чурсіна. У сваім выступленні яна падрабязна спынілася на ключавых дасягненнях за мінулы год, акцэнтавала ўвагу на ўзмацненні абароны працоўных правоў супрацоўнікаў, арганізацыі эфектыўных сацыяльных праграм, спартыўных і культурна-масавых мерапрыемстваў, а таксама падтрымцы ініцыятыў па паляпшэнні ўмоў працы.
Таццяна Чурсіна асабліва падкрэсліла важнасць згуртаванасці калектыву і заклікала ўсіх членаў прафсаюза працягваць актыўна ўдзельнічаць у жыцці прадпрыемства.
Далей з справаздачамі і дакладамі выступілі старшыня рэвізійнай камісіі, камітэта па паўнамоцтве дэлегатаў, бухгалтар першаснай прафсаюзнай арганізацыі. У сувязі з кадравымі зменамі ў рамках канферэнцыі прайшлі выбары членаў у склад прафсаюзнага камітэта прадпрыемства.
Генеральны дырэктар Дома друку, Андрэй Лук’янчыкаў, выказаў падзяку прафсаюзнаму камітэту за канструктыўнае супрацоўніцтва і актыўную пазіцыю па паляпшэнні ўмоў працы. У сваім выступленні ён распавёў дэлегатам канферэнцыі і калектыву аб фінансава-эканамічным стане прадпрыемства, выкананні зацверджаных паказчыкаў Упраўленнем справамі Прэзідэнта Рэспублікі Беларусь, колькасным і якасным выпуску паліграфічнай прадукцыі, інвестыцыях у мадэрнізацыю вытворчасці і цыфравізацыі працэсаў, укаранёнай і сертыфікаванай сістэме правілаў «Халяль», кадравай палітыкі і ўмацаванні дысцыпліны працы і яго аплаты, гарантыях занятасці, рэжыме працы і адпачынку, медыцынскім абслугоўванні, арганізацыі адпачынку і санаторна-курортнага лячэння, аховы, а таксама планах на 2026 год. Асобна Андрэй Мікалаевіч спыніўся ў сваім выступленні на рэалізацыі інвестыцыйнага плана па будаўніцтве новага паліграфічнага прадпрыемства “Выдавецтва “Беларускі Дом друку”.
Ён таксама падкрэсліў, што поспех прадпрыемства немагчымы без моцнага і зацікаўленага калектыву, якому прафсаюз дапамагае выказваць сваю пазіцыю, абараняць правы і разам адпачываць.
Па выніках дакладаў дэлегаты канферэнцыі аднагалосна прагаласавалі за адабрэнне працы прафсаюзнага камітэта за мінулы год.
У завяршэнне канферэнцыі былі абмеркаваны задачы прафсаюзнага руху на 2026 год, сярод якіх працяг паляпшэння ўмоў працы і бяспекі, а таксама арганізацыі сацыяльнай, спартыўнай і культурна-масавай дзейнасці. Удзельнікі аднадушна выказалі гатоўнасць да супрацоўніцтва і далейшага развіцця прафсаюзнага руху на прадпрыемстве.
Завяршылася канферэнцыя цырымоніяй узнагароджання.
Падзяка Беларускага прафесійнага саюза работнікаў культуры, інфармацыі, спорту і турызму аб’яўлена Лапіцкаму Аляксандру Валер’евічу, аператару вывадных прылад пераплетнага цэха за добрасумленную працу, высокі прафесіяналізм, актыўны ўдзел у дзейнасці першаснай прафсаюзнай арганізацыі дзяржаўнага прадпрыемства “Выдавецтва “Беларускі Дом друку”.
Грамата Беларускага прафесійнага саюза работнікаў культуры, інфармацыі, спорту і турызму ўручана Чурсінай Таццяне Анатольеўне, старшыні першаснай прафсаюзнай арганізацыі дзяржаўнага прадпрыемства “Выдавецтва “Беларускі Дом друку” за шматгадовую добрасумленную працу, высокі прафесіяналізм, актыўную і эфектыўную дзейнасць па абароне правоў і інтарэсаў членаў прафсаюза ў 2025 годзе.
Віншуем калег з заслужанымі ўзнагародамі і жадаем далейшых поспехаў, выканання задуманага і здароўя на рэалізацыю маштабных планаў на карысць прадпрыемства і краіны!
