04.03.2026
Ва ўрачыстай абстаноўцы ўчора прайшло ўзнагароджанне пераможцаў раённы агляду-конкурсу на лепшае навагодняе афармленне арганізацый і тэрыторый Савецкага раёна г.Мінска. У рамках агляду-конкурсу ўдзельнікі з розных арганізацый дэманстравалі свае крэатыўныя ідэі і святочны настрой, змяніўшы працоўныя прасторы і фасады ў зімовую казку.
Асаблівую ўвагу заслужыў Беларускі Дом друку, які быў удастоены дыпломам I ступені ў намінацыі “Лепшае навагодняе афармленне прамысловых прадпрыемстваў, банкаў, арганізацый транспарту і сувязі і іншых дзяржаўных устаноў”. Калектыў прадпрыемства праявіў выключны густ і майстэрства ў стварэнні святочнай атмасферы, упрыгожванні ўваходных груп.
Перамога ў конкурсе стала годным прызнаннем намаганняў калектыву і пацвярджэннем высокага ўзроўню карпаратыўнай культуры прадпрыемства. Кіраўніцтва і супрацоўнікі выказваюць падзяку адміністрацыі Савецкага раёна г. Мінска за такую магчымасць паказаць свой творчы падыход і здольнасць ствараць утульнасць і навагодні настрой.
Па выніках конкурсу вызначаны наступныя пераможцы:
Намінацыя “Лепшае навагодняе афармленне прадпрыемстваў гандлю”:
1 месца – адкрытае акцыянернае таварыства “ЦУМ Мінск” і камунальнае гандлёвае ўнітарнае прадпрыемства “Мінскі Камароўскі рынак”.
Намінацыя “Лепшае навагодняе афармленне прадпрыемстваў грамадскага харчавання”:
1 месца – гандлёва-вытворчае камунальнае ўнітарнае прадпрыемства “Камбінат школьнага харчавання горада Мінска”.
Намінацыя “Лепшае навагодняе афармленне прадпрыемстваў бытавога абслугоўвання і паслуг”:
пераможца не вызначаны.Намінацыя “Лепшае навагодняе афармленне прамысловых прадпрыемстваў, банкаў, арганізацый транспарту і сувязі і іншых дзяржаўных устаноў”:
1 месца – дзяржаўнае прадпрыемства “Выдавецтва “Беларускі Дом друку“;
2 месца – дзяржаўнае прадпрыемства “Мінсктранс” філіял “Аўтобусны парк № 7” і філіял “Энергазбыт” рэспубліканскага ўнітарнага прадпрыемства “Мінскэнерга”;
3 месца – адкрытае акцыянернае таварыства “Амкадор” кіруючая кампанія холдынгу і рэспубліканскае ўнітарнае прадпрыемства “Мінскае гарадское агенцтва па дзяржаўнай рэгістрацыі і зямельным кадастры”.
Намінацыя “Лепшае навагодняе афармленне дзіцячых дашкольных устаноў”:
1 месца – дзяржаўная ўстанова адукацыі “Дзіцячы сад № 306 г. Мінска”.
Намінацыя “Лепшае навагодняе афармленне ўстаноў агульнай сярэдняй і дадатковай адукацыі”:
1 месца – дзяржаўная ўстанова адукацыі “Сярэдняя школа ім. Я. Купалы № 19 г. Мінска”.
Намінацыя “Лепшае навагодняе афармленне вышэйшых і сярэдніх спецыяльных навучальных устаноў”:
1 месца – установа адукацыі “Мінскі дзяржаўны каледж рамесніцтва і дызайну імя Н.А.Кедышкі” і ўстанова адукацыі “Беларускі дзяржаўны ўніверсітэт інфарматыкі і радыёэлектронікі” філіял “Мінскі радыётэхнічны каледж”;
2 месца – установа адукацыі “Мінскі дзяржаўны каледж паліграфіі імя В.З. Харужай”.
Намінацыя “Лепшае навагодняе афармленне інтэрнатаў”:
1 месца – інтэрнат установы “Беларуская дзяржаўная ордэна Працоўнага Чырвонага Сцяга Філармонія” і інтэрнат дзяржаўнага прадпрыемства “Мінскі Камароўскі рынак”;
2 месца – інтэрнат № 3 рэспубліканскага ўнітарнага прадпрыемства “Акадэмрэмбудсэрвіс” і інтэрнат установы адукацыі “Беларускі дзяржаўны ўніверсітэт інфарматыкі і радыёэлектронікі” філіял “Мінскі радыётэхнічны каледж”.
Намінацыя “Лепшае навагодняе афармленне ўстаноў культуры”:
1 месца – установа “Беларуская дзяржаўная ордэна Працоўнага Чырвонага Сцяга філармонія”;
2 месца – дзяржаўная ўстанова “Цэнтралізаваная сістэма дзяржаўных публічных бібліятэк г.Мінска” Цэнтральная бібліятэка імя Янкі Купалы.
Намінацыя “Лепшае навагодняе афармленне ўстаноў аховы здароўя”:
1 месца – установа аховы здароўя “11-я гарадская клінічная стаматалагічная паліклініка”.
Намінацыя “Лепшае навагодняе афармленне ўстаноў фізічнай культуры, спорту і турызму”:
1 месца – дзяржаўная ўстанова фізічнай культуры і спорту “Валейбольны клуб “Мінск”.
Намінацыя “Лепшае навагодняе афармленне арганізацый у сферы адпачынку, вольнага часу і забаў”:
пераможца не вызначаны.
Намінацыя “Лепшае Каляднае афармленне рэлігійных (культавых) аб’ектаў”:
1 месца – прыход храма іконы Божай Маці “Спагнанне загінуўшых” у г. Мінску і храм святога роўнаапостальнага князя Уладзіміра Мінскай епархіі Беларускай Праваслаўнай Царквы (Беларускага Экзархата Маскоўскага Патрыярхата).
Намінацыя “Лепшае навагодняе афармленне будынкаў і тэрыторый жыллёва-камунальнай галіны”:
1 месца – дарожна-эксплуатацыйнае камунальнае ўнітарнае прадпрыемства “Рэмаўтадар Савецкага раёна г. Мінска”;
2 месца – унітарнае прадпрыемства “Зелянбуд Савецкага раёна г.Мінска”.
Намінацыя “Лепшае навагодняе афармленне будынкаў і тэрыторый арганізацый сацыяльнай сферы”:
1 месца – дзяржаўная ўстанова “Тэрытарыяльны цэнтр сацыяльнага абслугоўвання насельніцтва Савецкага раёна г.Мінска”.
Намінацыя “Лепшае навагодняе афармленне прыдамавых тэрыторый і жыллёвага фонду”:
пераможца не вызначаны.
Конкурс стаў яркай падзеяй у раённым жыцці, аб’яднаўшы мноства арганізацый і падарыў жыхарам шмат станоўчых эмоцый. Віншуем наш Беларускі Дом друку з заслужанай перамогай і жадаем калегам далейшых творчых поспехаў і святочнага настрою!
