24.02.2026
У дзень галоўнага мужчынскага свята – Дня абаронцы Айчыны і Узброеных Сіл Рэспублікі Беларусь – на прахадной нашага прадпрыемства кіраўніцтва і прафсаюзны камітэт падрыхтавалі сапраўдную святочную атмасферу, каб павіншаваць усіх мужчын са святам, якое сімвалізуе сілу, мужнасць і адвагу, а таксама служыць выдатнай нагодай выказаць удзячнасць і павагу кожнаму мужчыну, які ўносіць свой уклад у развіццё нашага Дома друку.
На ўваходзе былі ўсталяваныя плакаты, якія распавядаюць пра сучасную ваенную тэхніку, якая абараняе нашу краіну. Кожны мог азнаёміцца з апісаннямі і характарыстыкамі баявых машын, танкаў, ракетных комплексаў, самалётаў і верталётаў. Такі агляд дазволіў зразумець, наколькі складаная і высокатэхналагічная абаронная сістэма краіны, і адчуць гонар за нашых абаронцаў.
У гонар свята кожны жадаючы мог праверыць свае фізічныя магчымасці – на сіламеры. Гэта было не толькі весела, але і цікава – бо выпрабаваць сваю сілу і цягавітасць мог кожны жадаючы. Такі актыўны момант стаў яркай падзеяй дня, дадаўшы азарт і добры настрой на наступны працоўны дзень усім работнікам.
У завяршэнне свята кожнага ўдзельніка чакала прыемная нечаканасць – памятны салодкі сюрпрыз.
Такім чынам, Дзень абаронцы Айчыны і Узброеных Сіл Рэспублікі Беларусь прайшоў на нашым прадпрыемстве ярка і насычана. Мы віншуем яшчэ раз усіх мужчын са святам, жадаючы моцнага здароўя, мужнасці, сіл і ўпэўненасці ў сваіх магчымасцях. Няхай кожны дзень будзе напоўнены сапраўднымі перамогамі і застаецца напамінам пра каштоўнасць падтрымкі і абароны блізкіх і краіны!
