7 мая ў актавай зале прадпрыемства адбыўся святочны канцэрт, прысвечаны Дню Перамогі і прафесійнаму святу Дня друку.
Яшчэ да пачатку ўрачыстага мерапрыемства пачалі прыбываць шматлікія госці: супрацоўнікі прадпрыемства, ветэраны, запрошаныя.
Ва ўрачыстым мерапрыемстве прынялі ўдзел намеснік начальніка аддзела прыродных комплексаў і прамысловай вытворчасці Упраўлення справамі Прэзідэнта Рэспублікі Беларусь Аляксандр Кацюшка, старшыня Беларускага прафесійнага саюза работнікаў культуры, інфармацыі, спорту і турызму Таццяна Філімонава і намеснік дырэктара Нацыянальнага цэнтра прававой інфармацыі Рэспублікі Беларусь Ірына Чупракова.
Не змяняючы шматгадовай традыцыі, у пачатку мерапрыемства працоўны калектыў ушанаваў хвілінай маўчання загінуўшых воінаў-паліграфістаў у гады Вялікай Айчыннай вайны, а моладзь усклала кветкі да аднайменнага манумента, размешчаным на тэрыторыі прадпрыемства.
Адкрыў святочную праграму намеснік начальніка аддзела прыродных комплексаў і прамысловай вытворчасці Упраўлення справамі Прэзідэнта Рэспублікі Беларусь Аляксандр Кацюшка, які зачытаў калектыву віншавальны адрас ад Кіраўніка спраў Прэзідэнта Рэспублікі Беларусь Ю.У.Назарава. Пасля ўрачыстага адкрыцця з віншавальным словам выступілі запрошаныя госці з прафсаюза і Нацыянальнага цэнтра прававой інфармацыі, у завяршэнне свайго выступлення ўручыўшы ўзнагароды работнікам прадпрыемства. У канцы ўрачыстай часткі выступіў генеральны дырэктар Андрэй Мікалаевіч Лук’янчыкаў з віншавальнай прамовай і ўручыў заслужаныя ўзнагароды супрацоўнікам прадпрыемства, якія дасягнулі значных поспехаў у працоўнай дзейнасці.
Добры настрой і яркія эмоцыі ўсім прысутным дарылі артысты беларускай эстрады: спявачка, кампазітар, прапаршчык міліцыі Ганна Благава, заслужаны артыст Рэспублікі Беларусь Аляксандр Саладуха, а таксама гумарыстычны дуэт “Дзед і баба”.
Зарадзілі пазітывам і выклікалі бурныя авацыі ў гледачоў міксы лепшых музычных твораў артыстаў.
Працоўны калектыў Дома друку дзякуе артыстам за іх прафесіяналізм і святочную атмасферу.
