Навучальны семінар Савецкага раёна г. Мінска на тэму: «Прававыя асновы аховы працы. Распрацоўка і ўкараненне сістэмы кіравання аховай працы (СУАТ) у арганізацыях» адбыўся на базе нашага прадпрыемства, у якім прынялі ўдзел арганізацыі раёна. Таксама былі запрошаны арганізацыі і прадпрыемствы з зафіксаванымі выпадкамі вытворчага траўматызму. І таму, з мэтай прадухілення і прафілактыкі вытворчага траўматызму, адміністрацыяй Савецкага раёна г. Мінска ўзята за практыку правядзенне падобных мерапрыемстваў.
На семінар былі запрошаны спецыялісты суб’ектаў гаспадарання раёна, у чые абавязкі ўваходзіць арганізацыя работы па выкананні прававых норм аховы працы. Удзельнікаў мерапрыемства азнаёмілі з інфармацыяй аб стане вытворчага траўматызму ў арганізацыях Савецкага раёна г. Мінска. Праінфармавалі аб парушэннях аховы працы ў арганізацыях пасля праведзенага маніторынгу, правядзенні мерапрыемстваў, прымеркаваных да Сусветнага Дня дзеянняў за дастойную працу.
Прафсаюзы працягваюць ажыццяўляць грамадскі кантроль за выкананнем заканадаўства аб працы, ахове працы і за выкананнем калектыўных дагавораў (пагадненняў). Карыснай стала інфармацыя і аб асноўных напрамках удасканалення заканадаўства ў сферы аховы працы.
Напрыканцы семінара яго ўдзельнікі ў чарговы раз сышліся на думцы, што жыццё і здароўе работнікаў, бяспечная праца — важны напрамак сумеснай дзейнасці наймальніка і прафсаюза.
