Мікалай Шкрэд назначаны першым намеснікам Кіраўніка спраў Прэзідэнта Беларусі. Адпаведны ўказ падпісаў 6 сакавіка Кіраўнік дзяржавы Аляксандр Лукашэнка.
Да гэтага часу Мікалай Шкрэд займаў пасаду намесніка начальніка Службы бяспекі Прэзідэнта Беларусі. На гэтай пасадзе Шкрэд знаходзіўся з верасня 2021 года.
Мікалай Шкрэд нарадзіўся 24 красавіка 1981 года, займаўся самба і дзюдо, з’яўляўся пераможцам першынства свету па самба сярод юнакоў. Гуляў у аматарскай хакейнай камандзе “Шчыт” на першынство Мінска, правёў 25 матчаў.
