20.10.2025
На мінулым тыдні ў Мінскім дзяржаўным каледжы паліграфіі ім. В.З.Харужай адбылася важная сустрэча першакурснікаў з намеснікам Міністра інфармацыі Рэспублікі Беларусь і прадстаўнікамі вядучых прадпрыемстваў выдавецка-паліграфічнай галіны. Мерапрыемства прайшло ў рамках рэалізацыі дзяржаўнай палітыкі ў сферы масавай інфармацыі, выдавецкай, паліграфічнай дзейнасці, а таксама распаўсюджвання друкаваных выданняў і прадукцыі сродкаў масавай інфармацыі.
Мінскі дзяржаўны каледж паліграфіі ім. В.З.Харужай – адна з найстарэйшых сярэдніх спецыяльных навучальных устаноў сталіцы, летась ён адзначыў сваё 80-годдзе. Тут навучаюцца каля 570 дзяцей на дзённым аддзяленні і каля 100 – на завочным. Гэта адзінае месца ў Беларусі, дзе рыхтуюць спецыялістаў сярэдняга звяна для паліграфічных прадпрыемстваў.
Мэта сустрэчы – пазнаёміць маладых спецыялістаў з актуальнымі напрамкамі развіцця галіны, дзяржаўнымі прыярытэтамі і задачамі, а таксама ўмацаваць сувязь адукацыі і вытворчасці.
За круглым сталом з удзелам намесніка Міністэрства інфармацыі, дырэктара каледжа, прадстаўнікоў вядучых прадпрыемстваў паліграфічнай і кнігагандлёвай галіны абмяркоўваліся пытанні, якія тычацца арганізацыі работы ўстановы адукацыі і прадпрыемстваў па падрыхтоўцы кадраў, аб прыцягненні будучых спецыялістаў і рабочых на свае прадпрыемствы, заключэння дагавораў па мэтавай падрыхтоўцы, адносна працаўладкавання выпускнікоў, якія не дасягнулі 18 гадоў у адпаведнасці з пастановай Міністэрства працы і сацыяльнай абароны Рэспублікі Беларусь ад 07.02.2025 № 12 “Аб спісе прац, на якіх забараняецца прыцягненне да працы асоб маладзей васемнаццаці гадоў»), а таксама перспектывы адкрыцця навучальных майстэрняў на базе прадпрыемстваў.
Неад’емнай часткай сустрэчы стаў адкрыты дыялог з першакурснікамі каледжа, дзе перад першакурснікамі выступілі прадстаўнікі вядучых прадпрыемстваў выдавецка-паліграфічнай галіны: вядома ж нашага Беларускага Дома друку, ААТ «Паліграфкамбінат імя Я.Коласа», УПП «Віцебская абласная друкарня», ААТ «Палесдрук», ААТ «Брэсцкая друкарня», МАУП «Барысаўская ўзбуйненая друкарня ім. 1 Мая», МАУП «Слуцкая ўзбуйненая друкарня», УПКП «Магілёўская абласная друкарня ім. С.Собаля», ГОУПП «Лідская друкарня» і ААТ «Белкніга».
У ходзе размовы намеснік міністра інфармацыі Д.У.Язерскі падрабязна расказаў аб сучасных выкліках і перспектывах развіцця масавай інфармацыі і паліграфіі ў Беларусі, надаўшы асаблівую ўвагу цыфравізацыі і інавацыям у сферы друкаваных выданняў.
“Сённяшняя сустрэча-важны крок у фарміраванні прафесійнай свядомасці моладзі, – адзначыў намеснік Міністра. – Мы імкнемся, каб студэнты разумелі значнасць сваёй прафесіі ў забеспячэнні інфармацыйнай бяспекі і развіцці культуры друку ў краіне.”
Прадстаўнікі галіны падзяліліся вопытам, распавялі пра патрабаванні да спецыялістаў і магчымасцях кар’ернага росту, падкрэсліўшы важнасць практычнага навучання і ўдзелу ў рэальных вытворчых працэсах.
Студэнты актыўна задавалі пытанні, выяўляючы жывую цікавасць да будучай прафесіі і тэндэнцыям галіны.
Правядзенне такіх сустрэч мае шмат найважнейшых аспектаў і прыносіць значную карысць як студэнтам, так і ўсёй галіны. Вось асноўныя прычыны, чаму такія мерапрыемствы вельмі важныя:
1. Сувязь паміж адукацыяй і практыкай – сустрэчы спрыяюць звязку тэарэтычных ведаў з рэальнымі ўмовамі працы ў сферы паліграфіі, дазваляюць студэнтам лепш зразумець патрабаванні і стандарты галіны.
2. Інфармаванне аб бягучых тэндэнцыях і перспектывах – удзельнікі атрымліваюць актуальную інфармацыю аб сучасных трэндах, інавацыях і дзяржаўнай палітыцы, што дапамагае ім быць падрыхтаванымі да будучай прафесійнай дзейнасці.
3. Матывацыя і прафесійнае развіццё – непасрэдныя зносіны з прадстаўнікамі дзяржавы і галіны натхняе студэнтаў на развіццё, паказвае рэальныя магчымасці кар’ернага росту і прафесійнага станаўлення.
4. Абмен вопытам і наладжванне кантактаў – сустрэчы ствараюць платформу для дыялогу, зносін і наладжвання дзелавых сувязяў паміж моладдзю і прафесіяналамі, што спрыяе далейшаму развіццю галіны.
5. Фарміраванне грамадзянскай адказнасці-абмеркавання ролі СМІ і друкаваных выданняў у грамадстве дапамагаюць студэнтам зразумець сваю ролю ў інфармацыйнай бяспекі і культуры.
Правядзенне падобных рэгулярных сустрэч – гэта інвестыцыя ў будучыню галіны і дзяржавы, якая дапамагае фарміраваць прафесійнае і сацыяльна актыўнае пакаленне кадраў.
Фота ўстановы адукацыі “Мінскі дзяржаўны каледж паліграфіі ім. В.З.Харужай»
Кожнаму – свайго спецыяліста: Дзяніс Язерскі сустрэўся з навучэнцамі каледжа паліграфіі
У Мінскім каледжы паліграфіі адбылася сустрэча з прадстаўнікамі вядучых прадпрыемстваў галіны
Першакурснікі Мінскага каледжа паліграфіі ўжо патэнцыяльна запатрабаваныя на вытворчасці