МНС ПАПЯРЭДЖВАЕ! СУСТРЭЧА ПРАЦОЎНАГА КАЛЕКТЫВУ З ПРАДСТАЎНІКОМ МНС

У рамках правядзення прафілактычнай работы з працоўным калектывам у адным з цэхаў адбылася сустрэча з Аляксандрам Міхайлавічам Грэчным, начальнікам сектара дзяржаўнай сістэмы папярэджання і ліквідацыі надзвычайных сітуацый і грамадзянскай абароны Савецкага раённага аддзела па надзвычайных сітуацыях. Мэта мерапрыемства – прыцягненне ўвагі працоўнага калектыву Дома друку да праблемы гібелі і траўматызму людзей ад пажараў і ў выніку ўтаплення, павышэнне культуры бяспекі жыццядзейнасці на прадпрыемстве ў цэлым.

Аляксандр Міхайлавіч свой выступ пачаў з давядзення інфармацыі аб статыстыцы пажараў. За акном зіма, а гэта значыць, што большасць людзей, імкнучыся абагрэць жыллё, грэбуюць простымі, але вельмі важнымі правіламі бяспекі. Напрыклад, перагрузка сеткі або перакал печы, прыводзіць да таго, што людзі губляюць нажытае гадамі маёмасць і дах над галавой, а ў некаторых выпадках і жыццё. Далей з веданнем справы праінфармаваў прысутных аб захаванні правіл бяспекі як на працоўным месцы, так і ў побыце. Прадэманстраваў і патлумачыў прынцып працы аўтаномнага пажарнага апавяшчальніка, рэкамендаваўшы абсталяваць ім свае жылыя памяшканні, затым давёў да ведама меры адказнасці за грубыя парушэнні мер бяспекі.

У завяршэнне сустрэчы расказаў аб першасных сродках пажаратушэння і наглядна паказаў, як скарыстацца вогнетушыцелем, і таксама нагадаў аб недапушчэнні пакідання малалетніх дзяцей без нагляду, аказанні дапамогі пажылым бацькам і правілах бяспекі на вадаёмах у зімовы перыяд. Пасля чаго адказаў на пытанні працоўнага калектыву.