ГРАМАДСКІЯ ІНСПЕКТАРЫ ПА АХОВЕ ПРАЦЫ ДОМА ДРУКУ ПРАЙШЛІ НАВУЧАННЕ НА БАЗЕ ПРАДПРЫЕМСТВА

Семінар сабраў грамадскіх інспектараў па ахове працы Дома друку. У семінары прыняў удзел галоўны тэхнічны інспектар працы Беларускага прафсаюза работнікаў культуры, інфармацыі, спорту і турызму Лапіцкі Дзмітрый Міхайлавіч. У ходзе навучання былі разгледжаны асноўныя функцыі, мэты, задачы грамадскіх інспектараў па ахове працы першасных прафсаюзных арганізацый. Праведзены аналіз вытворчага траўматызму Па Г. Мінску і краіне ў цэлым, разгледжаны тыповыя парушэнні заканадаўства па ахове працы пры правядзенні спецыяльнага расследавання. Акрамя таго, асветлены пытанні новаўвядзенні заканадаўства аб працы 2024 года, адхіленне ад працы, дысцыплінарныя спагнанні, гарантыі для маладых спецыялістаў і іншыя актуальныя пытанні.

Гэты семінар стаў вельмі павучальным для ўсіх прысутных. Хтосьці сышоў з новымі ведамі, а хтосьці асвяжыў у памяці веды ў галіне захавання аховы працы і ажыццяўлення грамадскага кантролю за яе выкананнем. Яго мэтай было данесці да грамадскіх інспектараў па ахове працы важнае: тое, што асноўнымі задачамі грамадскага інспектара па ахове працы з’яўляюцца выяўленне і папярэджанне парушэнняў патрабаванняў аховы працы, ацэнка стану ўмоў працы работнікаў, бяспекі вытворчых працэсаў, абсталявання, прыстасаванняў, інструмента, сыравіны і матэрыялаў, эфектыўнасці прымянення сродкаў індывідуальнай абароны, выкананне работнікамі сваіх абавязкаў па ахове працы, прыняцце мер па ліквідацыі выяўленых недахопаў.

Дзмітрый Міхайлавіч звярнуў увагу на якасць правядзення грамадскімі інспектарамі па ахове працы маніторынгаў па ахове працы, а таксама ажыццяўлення штодзённага, штомесячнага і штоквартальнага кантролю за выкананнем работнікамі патрабаванняў па ахове працы ў арганізацыі, з адлюстраваннем выяўленых парушэнняў у часопісе кантролю за выкананнем патрабаванняў па ахове працы, актах.

Усяго навучанне ў ходзе семінара прайшлі больш за 20 грамадскіх інспектараў прадпрыемства па ахове працы.