Згодна з Канстытуцыяй Рэспублікі Беларусь, прысяга прэзідэнта прыносіцца ва ўрачыстай абстаноўцы ў прысутнасці членаў Прэзідыума Усебеларускага народнага сходу, дэпутатаў Палаты прадстаўнікоў і членаў Савета Рэспублікі, суддзяў Канстытуцыйнага і Вярхоўнага судоў не пазней за два месяцы з дня абрання Прэзідэнта.
Аляксандр Лукашэнка паедзе на інаўгурацыю па двух галоўных сталічных праспектах – Незалежнасці і Пераможцаў. Картэж пачне рух у 11.45. Яго будзе суправаджаць эскорт з дзевяці матацыклістаў. Пачатак чакаецца ў 12 гадзін.
Цырымонія інаўгурацыі Прэзідэнта Беларусі Аляксандра Лукашэнкі будзе транслявацца ў прамым эфіры, у тым ліку на рэсурсе videobel.by і на YouTube-канале БЕЛТА.
