Выязное пасяджэнне суда было прысвечана важнаму сацыяльнаму пытанню-магчымаму высяленню з арэнднага жылля работніка нашага прадпрыемства.
Пасяджэнне было арганізавана ў рамках практыкі правядзення судовых працэсаў у спецыяльна абсталяваных і даступных для грамадскасці месцах, што спрыяе павышэнню празрыстасці судовай сістэмы і ўмацаванню даверу грамадзян да правасуддзя. У ходзе пасяджэння разглядаўся канкрэтны выпадак меркаванага высялення, звязаны, на думку арандатара з парушэннямі ўмоў арэнды жылога памяшкання.
Старшыня суда Чубкавец Ганна Іванаўна падкрэсліла важнасць выканання заканадаўства і правоў арэндадаўцамі і арандатарамі, адзначыўшы, што ўсе рашэнні прымаюцца ў строгай адпаведнасці з законам і з улікам інтарэсаў абодвух бакоў. У ходзе пасяджэння ўдзельнікі мелі магчымасць прадставіць свае аргументы, даць доказы і задаць пытанні.
Асаблівая ўвага надавалася растлумачэнню працэдур высялення, а таксама магчымым альтэрнатыўным варыянтам вырашэння канфліктных сітуацый — напрыклад, заключэння новых дагавораў або прадастаўленню часовага жылля. Прадстаўнікі судовай улады далі рэкамендацыі па правільным афармленні дакументаў і выкананні ўсіх неабходных працэдур.
Работнікі прадпрыемства выказалі падзяку за магчымасць на свае вочы ўбачыць у адкрытым фармаце разбор рэальнага выпадку з паўсядзённага жыцця і тым самым атрымаць кваліфікаваную кансультацыю аб мерах падтрымкі для тых, хто сутыкаецца з цяжкасцямі пры прадастаўленні арэнднага жылля.
Гэта выязное пасяджэнне стала прыкладам таго, як судовая сістэма можа працаваць на карысць грамадзян, забяспечваючы празрыстасць і даступнасць правасуддзя. Арганізацыя падобных мерапрыемстваў спрыяе не толькі вырашэнню канкрэтных праблем, але і павышэнню ўзроўню прававой культуры насельніцтва.
Па выніках пасяджэння арэндадаўцу адмоўлена ў задавальненні іскавай патрабаванні па высяленню работніка нашага прадпрыемства з арандаванага жылога памяшкання, а таксама дадзены адпаведныя рэкамендацыі па прадухіленні падобных канфліктаў у будучыні.
Выязное пасяджэнне суда на базе Дома друку стала важным крокам да больш адкрытага і справядлівага судаводства ў Мінску, дэманструючы клопат аб правах грамадзян і імкненне да канструктыўнага дыялогу паміж судом і грамадствам.
