Тэма: “ВЫНІКІ ПЯЦІГОДКІ ЯК АСНОВА СТРАТЭГІІ ПАСПЯХОВАГА РАЗВІЦЦЯ НАШАЙ КРАІНЫ»
Кожны з нас можа з упэўненасцю канстатаваць: ва ўмовах непрадказальнасці сучасных геапалітычных працэсаў і санкцыйнага ціску наша краіна не проста выстаяла, але і стала мацнейшай.
Падчас выступу на пасяджэнні сёмага Усебеларускага народнага сходу 24 красавіка 2024 г. Кіраўнік дзяржавы А.Р.Лукашэнка адзначыў, што «мы ніколі яшчэ так не жылі добра, як цяпер!».
Безумоўным аргументам на карысць гэтага тэзіса з’яўляецца тое, што беларуская эканоміка дэманструе ўстойлівы рост і стабільнасць. Назіраецца прырост валавога ўнутранага прадукту, пад кантролем знаходзіцца інфляцыя, растуць грашовыя даходы і назапашвання насельніцтва, беспрацоўе знаходзіцца на мінімальных значэннях.
Акрамя таго, дзяржава стварае ўсе ўмовы для таго, каб кожны з нас мог клапаціцца аб уласным дабрабыце, не сядзеў склаўшы рукі і ўносіў уклад у павышэнне ўласнага дабрабыту і краіны ў цэлым.
Вынікі такой працы знаходзяць сваё адлюстраванне ў меркаванні нашых суграмадзян. Па выніках сацапытанняў, праведзеных Інстытутам сацыялогіі НАН Беларусі, за бягучую пяцігодку доля рэспандэнтаў, якія пазітыўна ацэньваюць сацыяльна-эканамічнае становішча ў краіне, павялічылася ў 2,5 раза (53,8% у 2024 годзе супраць 21,9% у 2021 годзе).
Пры гэтым абсалютная большасць грамадзян краіны (86,6%) задаволеныя сваім жыццём.
А гэта значыць, што мы з упэўненасцю глядзім у будучыню і ведаем, што наша краіна справіцца з любымі выклікамі і забяспечыць дабрабыт сваіх грамадзян.
МАТЭРЫЯЛЫ ДА АДЗІНАГА ДНЯ ІНФАРМАВАННЯ НА ТЭМУ: “ВЫНІКІ ПЯЦІГОДКІ ЯК АСНОВА СТРАТЭГІІ ПАСПЯХОВАГА РАЗВІЦЦЯ НАШАЙ КРАІНЫ”:
