03.03.2026
У Беларусі створана і ўдасканальваецца сістэма апавяшчэння насельніцтва: на рэспубліканскім, тэрытарыяльным, мясцовым і аб’ектавым узроўнях. Яе асноўная задача – своечасова данесці інфармацыю аб усіх відах небяспекі. Для гэтага ў сістэме грамадзянскай абароны прыняты папераджальны сігнал абвесткі “Увага ўсім! “. Сігнал рэалізуецца пры дапамозе запуску электрасірэн і папярэджвае насельніцтва аб небяспецы.
Пачуўшы працяглае “выццё” сірэн, варта ўключыць радыёпрымач або тэлевізар, падлучыцца да сеткі Інтэрнэт для наведвання інфармацыйных парталаў (напрыклад, сайта МНС) і праслухаць або прачытаць інфармацыю аб сітуацыі, якая абстаноўцы і парадку далейшых дзеянняў. Далей неабходна выконваць усе рэкамендацыі, якія прагучалі ў эфіры або апублікаваныя на інтэрнэт-партале МНС. Не лішнім будзе перадаць інфармацыю суседзям, бо яны маглі яе не чуць. У выпадку неабходнасці аказаць дапамогу хворым, дзецям і састарэлым людзям. Пры гэтым галоўнае – не панікаваць.
Калі папераджальны сігнал застаў вас на вуліцы, неабходна знайсці бліжэйшую теле (радыё) кропку для атрымання больш падрабязных інструкцый, у тым ліку звярнуць увагу на інтэрактыўныя рэкламныя экраны, якія могуць быць размешчаны ў месцах з масавым знаходжанне людзей, а таксама пры наяўнасці магчымасці падлучыцца да сеткі Інтэрнэт.
Напярэдадні Сусветнага дня грамадзянскай абароны калектыў Дома друку правёў важнае і патрэбнае мерапрыемства – комплекснае вучэнне па эвакуацыі. Гэтыя мерапрыемствы накіраваны на павышэнне ўзроўню бяспекі і гатоўнасці супрацоўнікаў да магчымых надзвычайных сітуацыях.
Сусветны дзень грамадзянскай абароны – гэта напамін пра неабходнасць быць гатовымі да розных сцэнарыяў надзвычайных сітуацый, уключаючы пажары, прыродныя бедствы або тэхнагенныя аварыі. Правядзенне вучэнняў дазваляе:
– праверыць эфектыўнасць сістэмы абвесткі і эвакуацыйных маршрутаў;
– навучыць супрацоўнікаў правільным дзеянням пры пагрозе;
– выявіць магчымыя слабыя месцы ў арганізацыі бяспекі;
– натхніць камандны дух і планаванне дзеянняў ва ўмовах стрэсу.
Вучэнне ў Доме друку ўключала наступныя этапы:
1. Запуск лакальнай сістэмы з адпрацоўкай дзеянняў па сігнале абвесткі грамадзянскай абароны “Увага ўсім! “.
2. Трэніроўка па эвакуацыі работнікаў прадпрыемства ў ахоўнае збудаванне грамадзянскай абароны па сігнале апавяшчэнне грамадзянскай абароны “Увага ўсім!”, а таксама падача сігналу аб узнікненні ўмоўнага пажару, дзеянні дзяжурнага персаналу і членаў пажарнай дружыны пры з’яўленні сігналу “Пажар” на прыборах пажарнай аўтаматыкі, правядзенне эвакуацыі.
3. Правядзенне з членамі грамадзянскіх фарміраванняў інструктыўна-метадычных заняткаў па грамадзянскай абароне, у т.ч. аказанні першай дапамогі пацярпелым.
4. Правядзенне з работнікамі тэматычных заняткаў.
5. Падвядзенне вынікаў па выніках вучэнняў, разбор і выпрацоўка рэкамендацый для павышэння эфектыўнасці эвакуацыйных працэсаў.
Вучэбная трэніроўка паказала, што работнікі прадпрыемства своечасова і правільна рэагуюць на сігналы абвесткі грамадзянскай абароны “Увага ўсім!”, ведаюць шляхі эвакуацыі, выразна і зладжана пакідаюць памяшканні і эвакуіруюцца ў бяспечную зону.
Члены грамадзянскіх фарміраванняў валодаюць адпаведнымі навыкамі і ведамі па выкананні пастаўленых задач па ліквідацыі наступстваў надзвычайных сітуацый і грамадзянскай абароне.
Правядзенне такіх вучэнняў – важны сродак павышэння ўзроўню бяспекі. Яны дапамагаюць супрацоўнікам адчуваць сябе больш упэўнена і ведаць, як дзейнічаць у рэальнай сітуацыі. Важна памятаць: гатоўнасць – залог выратавання!
Бяспека – наша агульная адказнасць!
Дзякуем усім удзельнікам за прафесійнае стаўленне і ўдзел у падрыхтоўцы да магчымых надзвычайных сітуацый.
