4 жніўня на базе ААТ “Івацэвічдрэў” (г. Івацэвічы, Брэсцкая вобл.) адбудзецца семінар “Удасканаленне метадаў кіравання вытворчасцю і персаналам” для кіраўнікоў арганізацый і кадравых службаў, якія ўваходзяць у сістэму Кіраўніцтва справамі Прэзідэнта Рэспублікі Беларусь.
Семінар праводзіцца з мэтай вывучэння перадавога вопыту і павышэння эфектыўнасці дзейнасці ў арганізацыях. Удзельнікаў семінара чакае насычаная праграма, якая ўключае ў сябе прэзентацыю дзейнасці ААТ “Івацэвічдрэў”, практычны вопыт арганізацыі работы па кіраванні вытворчымі працэсамі і персаналам на прыкладзе наведвальнага прадпрыемства, ключавыя працэсы арганізацыі работы з персаналам, а таксама вопыт укаранення сістэмы ERP у адміністрацыйных і вытворчых працэсах. Пасля гэтага плануецца наведванне вытворчай базы прадпрыемства, дэманстрацыя культуры вытворчасці і адкрытая дыскусія па атрыманай інфармацыі.
