Працоўны калектыў Дома друку далучыўся да дыскусіі агульнагарадскога дня інфармавання на тэму “Сацыяльная бяспека: асноўныя прынцыпы і прыярытэты” ў рэжыме відэасувязі.
Пасля рэферэндуму 2022 года мы працягваем удасканаленне заканадаўства, праводзім прававую асвету грамадзян. Адзіныя дні інфармавання дапамагаюць у гэтым. Сёння былі закрануты тэмы, якія датычацца матэрыяльнага стымулявання нараджальнасці дзяцей, замацавання маладых спецыялістаў на месцах, павышэння кваліфікацыі тых, хто настроены на рэалізацыю сябе ў прафесіі. Гэта той спектр пытанняў, над якім працуюць як заканадаўцы, так і дзяржава. У бліжэйшы час будзе разглядацца праект бюджэту на наступны год, таму гэтыя пытанні зараз вельмі актуальныя.
Зроблена шмат, але не варта расслабляцца. Ва ўмовах знешняга прэсінгу нацыянальная сістэма дзяржаўнага кіравання прадэманстравала адаптыўнасць і жыццяздольнасць, а беларускі народ – давер да ўлады і прыхільнасць абранаму шляху развіцця. Да канца 2023 года парламентарыям трэба завяршыць перапрацоўку заканадаўства ў адпаведнасці з палажэннямі абноўленага Асноўнага закона краіны, стварыўшы базіс для вырашэння трыадзінай задачы: абароны дасягненняў грамадства, захавання вектара развіцця дзяржавы, прымнажэння духоўных і матэрыяльных патэнцыялаў у інтарэсах паляпшэння жыцця людзей. Так былі прыняты цэлыя блокі законапраектаў адносна падтрымкі сям’і з дзецьмі і моладзі. Таксама ўнесены змены ў Грамадзянскі кодэкс РБ. Выключана норма адносна вадзіцеляў транспартных сродкаў аб адказнасці без віны, калі пацярпелы пешаход сам груба парушыў ПДР. Кожны такі выпадак будзе разглядацца індывідуальна.
Нягледзячы на беспрэцэдэнтныя выклікі часу, беларуская дзяржава забяспечвае кожнаму грамадзяніну сацыяльныя гарантыі і магчымасці для самарэалізацыі.
Звяртаючыся 28 студзеня 2022 г. з Пасланнем да беларускага народа і Нацыянальнага сходу, Прэзідэнт Рэспублікі Беларусь А.Р.Лукашэнка абазначыў прынцыпы сацыяльнай палітыкі дзяржавы:
«Першы прынцып – справядлівасць… Яго рэалізацыя дазволіла забяспечыць збалансаванае размеркаванне сацыяльных даброт, роўны доступ, наколькі гэта магчыма, кожнага беларуса да гэтых дабротаў.
Другі прынцып – адказнасць. Дзяржава паслядоўна выконвае абавязацельствы перад грамадствам, гарантуючы ўсебаковую і маштабную падтрымку на працягу жыцця чалавека.
Трэці прынцып – клопат. Выяўляецца ў шырокай і разгалінаванай сістэме сацыяльнай дапамогі ўразлівым катэгорыям насельніцтва і людзям, якія трапілі ў складаную жыццёвую сітуацыю».
МАТЭРЫЯЛЫ ДА АДЗІННАГА ДНЯ ІНФАРМАВАННЯ НА ТЕМУ «САЦЫЯЛЬНАЯ БЯСПЕКА: АСНОЎНЫЯ ПРЫНЦЫПЫ І ПРЫЯРЫТЭТЫ»
У сваю чаргу, кожны грамадзянін на сваім месцы мае рэальную магчымасць унесці ўклад у будучыню краіны, грамадства, сям’і. Бо менавіта мы – беларускі народ, жывем на сваёй зямлі, паслядоўна творым гісторыю, фарміруем прынцыпы і выпрацоўваем законы, па якіх будуць жыць нашы дзеці і ўнукі.
