08.09.2025
Каманда Беларускага Дома друку стала актыўным удзельнікам карпаратыўнай эстафеты на 21,097 км, якая прайшла ў рамках дзясятага юбілейнага Мінскага паўмарафону. Гэта спартыўная падзея сабрала каля 25 тыс. аматараў і прафесіяналаў бегу, аб’яднаўшы іх у імкненні да здаровага ладу жыцця і каманднага духу.
Наш калектыў з энтузіязмам уключыўся ў спаборніцтвы, прадэманстраваўшы не толькі фізічную падрыхтоўку, але і згуртаванасць, узаемадапамога і падтрымку адзін аднаго. Удзел у эстафеце стаў выдатнай магчымасцю ўмацаваць камандны дух, зарадзіцца пазітыўнай энергіяй і ўнесці ўклад у развіццё карпаратыўнай культуры.
“Для мяне ўдзел у эстафеце – гэта не толькі спорт, але і магчымасць адчуць адзінства калектыву, падтрымаць калег і разам пераадолець новыя выклікі”, – падзялілася сваімі ўражаннямі эканаміст планава-эканамічнага аддзела, Анастасія Герцык.
“Было прыемна бачыць, як кожны з нас выкладваецца на поўную, А падтрымка каманды дапамагае пераадольваць любыя цяжкасці. Гэта натхняе і матывуе на новыя дасягненні”, – адзначыў намеснік начальніка вытворча-выдавецкага цэнтра, Мікіта Шэвель.
“Удзел у такім мерапрыемстве – выдатны спосаб не толькі праверыць свае сілы, але і ўмацаваць сяброўскія сувязі ўнутры калектыву. Мы паказалі, што разам можам дасягаць высокіх вынікаў”, – дадала дызайнер вытворча-выдавецкага цэнтра, Юлія Непакупная.
“Спорт вучыць нас не здавацца і ісці наперад, нягледзячы ні на што. Гэты вопыт натхняе на новыя мэты і дапамагае пераносіць камандны дух у паўсядзённую працу. Мы ўжо з нецярпеннем чакаем наступнага года і плануем зноў прыняць удзел у эстафеце, каб працягваць развіваць камандны дух і падтрымліваць здаровы лад жыцця”, – падкрэсліў начальнік сектара па ідэалагічнай працы, Антон Павельеў.
Мінскі паўмарафон – гэта не толькі спартыўнае мерапрыемства, але і платформа для зносін, абмену вопытам і натхнення на новыя дасягненні. Мы ганарымся тым, што прадстаўнікі Беларускага Дома друку годна прадставілі наша прадпрыемства і ўнеслі свой уклад у агульную справу.
Віншуем усіх удзельнікаў каманды з паспяховым выступленнем і жадаем новых спартыўных перамог і прафесійных поспехаў!
