У выхадныя Мінск адзначыў Дзень горада, яму споўнілася 957 гадоў. Па традыцыі свята Дня горада пачалося з урачыстай цырымоніі ўскладання кветак да стэлы.
Пралогам урачыстага мерапрыемства стала тэатралізаванае прадстаўленне. Творчыя калектывы сталіцы прадставілі нумары, якія нагадалі прысутным пра гісторыю Беларусі і Мінска.
У знакавым для беларусаў месцы сабраліся прадстаўнікі Мінгарвыканкама, раённых адміністрацый, грамадскасці, прадпрыемстваў горада, сілавых ведамстваў, дэпутаты, госці з гарадоў-пабрацімаў, ветэраны, моладзь.
Удзельнікі ўшанавалі памяць тых, хто абараняў горад, аддаў жыццё за вызваленне сталіцы і ўсёй Беларусі.
