Электронныя звароты

Электронныя звароты ў дзяржаўнае прадпрыемства «Выдавецтва «Беларускі Дом друку» Рэспублікі Беларусь накіроўваюцца на адрас электроннай пошты bdp@domdruku.by  альбо праз электронную форму «Электронны зварот».

Электронныя звароты разглядаюцца ў адпаведнасці з патрабаваннямі дзеючага заканадаўства Рэспублікі Беларусь.

На электронныя звароты даюцца пісьмовыя адказы (накіроўваюцца пісьмовыя паведамленні) у выпадках, калі:
  • заяўнік у сваім электронным звароце просіць накіраваць пісьмовы адказ або адначасова накіраваць пісьмовы адказ і адказ на адрас яго электроннай пошты;
  • у электронным звароце пазначаны адрас электроннай пошты, па якім па тэхнічных прычынах не ўдалося даставіць адказ (апавяшчэнне).

АБ ПАРАДКУ ПАДАЧЫ І РАЗГЛЯДУ ЭЛЕКТРОННЫХ ЗВАРОТАЎ, ВЫПАДКАХ ПАКІДАННЯ ЗВАРОТАЎ БЕЗ РАЗГЛЯДУ ПА СУТНАСЦІ

  • Парадак падачы зваротаў і накiраванне іх для разгляду ў адпаведнасці з кампетэнцыяй

    Электронныя звароты накіроўваюцца з дапамогай глабальнай камп'ютарнай сеткі Інтэрнэт на адрас электроннай пошты і (або) размяшчаюцца ў спецыяльнай рубрыцы «Электронны зварот» на афіцыйным сайце ў глабальнай камп'ютарнай сетцы Інтэрнэт.

    Звароты падаюцца ў арганізацыі да кампетэнцыі якіх адносіцца вырашэнне пытанняў, выкладзеных у зваротах.

    Арганізацыі пры паступленні да іх зваротаў, якія змяшчаюць пытанні, вырашэнне якіх не адносіцца да іх кампетэнцыі, на працягу пяці рабочых дзён накіроўваюць звароты для разгляду арганізацыям у адпаведнасці з іх кампетэнцыяй і паведамляюць заяўнікам у той жа тэрмін альбо ў той жа тэрмін у парадку, устаноўленым Законам Рэспублікі Беларусь ад 15 ліпеня 2015 г. № 306-З «Аб зваротах грамадзян і юрыдычных асобаў», пакідаюць зварот без разгляду па сутнасці і паведамляюць аб гэтым заяўнікам з  тлумачэннем, у якую арганізацыю і ў якім парадку трэба звярнуцца для вырашэння пытанняў, выкладзеных у зваротах.

    Звароты, у якіх абскарджваюцца судовыя пастановы, не пазней за пяць рабочых дзён вяртаюцца заяўнікам з тлумачэннем ім парадку абскарджання судовых пастаноў.

    Звароты, якія змяшчаюць інфармацыю аб падрыхтоўцы злачынства, учыняемым або ўчыненым злачынстве або іншым правапарушэнні, не пазней за пяць рабочых дзён накіроўваюцца арганізацыямі, у якія яны паступілі, у адпаведныя праваахоўныя або іншыя дзяржаўныя органы.

    Забараняецца накіроўваць скаргі ў арганізацыі, дзеянні (бяздзеянне) якіх абскарджваюцца, за выключэннем выпадкаў, калі разгляд такой катэгорыі зваротаў адносіцца да выключнай кампетэнцыі гэтых арганізацый.

  • Пакіданне зваротаў без разгляду па сутнасці

    Пісьмовыя звароты могуць быць пакінутыя без разгляду па сутнасці, калі звароты не адпавядаюць патрабаванням, што прад’яўляюцца да электронных зваротаў.

    Ананімныя звароты, гэта звароты заяўнікаў, у якіх не пазначаныя прозвішча, уласнае імя, імя па бацьку (калі такое маецца) або ініцыялы грамадзяніна ці адрас яго месца жыхарства (месца знаходжання),  або найменне юрыдычнай асобы (поўнае або скарочанае) або яго месца знаходжання або названыя дадзеныя не адпавядаюць рэчаіснасці, не падлягаюць разгляду, калі яны не ўтрымліваюць звестак аб злачынстве, якое рыхтуецца або учыняецца, або было учынена.

    Пры пакіданні звароту без разгляду па сутнасці, за выключэннем выпадкаў, прадугледжаных абзацам сёмым пункта 1 артыкула 15, артыкулам 23 Закона Рэспублікі Беларусь ад 15 ліпеня 2015 г. № 306-З «Аб зваротах грамадзян і юрыдычных асобаў», заяўніку на працягу пяці рабочых дзён паведамляецца аб пакіданні звароту без разгляду па сутнасці з указаннем прычын прыняцця такога рашэння.

    У выпадках, прадугледжаных абзацамі трэцім і чацвёртым пункта 1 артыкула 15 Закона Рэспублікі Беларусь ад 15 ліпеня 2015 № 306-З «Аб зваротах грамадзян і юрыдычных асобаў», заяўніку таксама тлумачыцца, у якую арганізацыю і ў якім парадку трэба звярнуцца для вырашэння пытанняў, выкладзеных у звароце.

АБ ПАТРАБАВАННЯХ, ШТО ПРАД’ЯЎЛЯЮЦЦА ДА ЭЛЕКТРОННЫХ ЗВАРОТАЎ

  • Звароты падаюцца на беларускай або рускай мове.
  • Электронныя звароты грамадзян павінны ўтрымліваць:
    • назву і (або) адрас арганізацыі альбо пасаду асобы, якім накіроўваецца зварот;
    • прозвішча, уласнае імя, імя па бацьку (калі такое маецца) або ініцыялы грамадзяніна, адрас яго месца жыхарства (месца знаходжання);
    • перадачу сутнасці звароту;
    • адрас электроннай пошты.
  • Электронныя звароты юрыдычных асоб і індывідуальных прадпрымальнікаў павінны змяшчаць:
    • назву і (або) адрас арганізацыі або пасаду асобы, якім накіроўваецца зварот;
    • поўнае найменне юрыдычнай асобы і яе месца знаходжання;
    • перадача сутнасці звароту;
    • прозвішча, уласнае імя, імя па бацьку (калі такое маецца) або ініцыялы кіраўніка або асобы, упаўнаважанай ва ўстаноўленым парадку падпісваць звароты;
    • адрас электроннай пошты.
  • Не дапускаецца ўжыванне ў зваротах нецэнзурных альбо абразлівых слоў ці выразаў.
  • Да электронных зваротаў, якія падаюцца прадстаўнікамі заяўнікаў, павінны прыкладацца электронныя копіі дакументаў, якія пацвярджаюць іх паўнамоцтвы.
  • У зваротах павінна ўтрымлівацца інфармацыя аб выніках іх папярэдняга разгляду з дадаткам (пры наяўнасці), якi пацвярджае гэту інфармацыю.

АБ НАЯЎНАСЦІ Ў ЗАЯЎНІКА ПРАВОЎ НА АДКЛIКАННЕ ЭЛЕКТРОННАГА ЗВАРОТУ, НА АБСКАРДЖАННЕ АДКАЗУ НА ТАКІ ЗВАРОТ АБО РАШЭННЕ АБ ПАКІДАННІ ЯГО БЕЗ РАЗГЛЯДУ ПА СУТНАСЦІ І АБ ПАРАДКУ РЭАЛІЗАЦЫІ ТАКІХ ПРАВОЎ

  • Адклiканне электроннага звароту

    Адклiканне электроннага звароту ажыццяўляецца шляхам падачы пісьмовай заявы або накiравання заявы ў электроннай форме тым жа спосабам, якім быў накіраваны электронны зварот.

  • Абскарджанне адказаў на звароты

    Адказ арганізацыі на зварот або рашэнне аб пакіданні звароту без разгляду па сутнасці могуць быць абскарджаныя ў вышэйстаячую арганізацыю. Інфармацыя аб назве, месцы знаходжання і рэжыме работы вышэйстаячых арганізацый размяшчаецца на афіцыйным сайце ў рубрыцы «Адно акно».

 ЭЛЕКТРОННЫЯ ЗВАРОТЫ ГРАМАДЗЯН

ЭЛЕКТРОННЫЯ ЗВАРОТЫ ЮРЫДЫЧНЫХ АСОБ І ІНДЫВІДУАЛЬНЫХ ПРАДПРЫМАЛЬНІКАЎ
форма заказу
Прайс-лісты

Предлагаем вашему вниманию прайс-листы на оказание различных видов производственных услуг